منتديات دموع البابا

بسم الاب وبن والروح القدس اله واحد امين

اهلا بيكم اخواتى فى منتداكم دموع البابا

افلام مسيحية/ترانيم/كليباتى/برامج/صور مسيحية متنوعة/واخرى


    مالناش غيرك

    شاطر

    بنت مارى جرجس
    عضوء جديد
    عضوء جديد

    اختر مزاجك اختر مزاجك :
    تاريخ التسجيل : 11/04/2010
    عدد المساهمات : 13
    تاريخ الميلاد25/06/1989
    28

    مالناش غيرك

    مُساهمة من طرف بنت مارى جرجس في الأحد 11 أبريل 2010 - 23:37

    رافعينلك يا إلهنا صَلاه
    مالناش غيرَك يا الله
    وِعَشان إنتَ الحَق ضَرورى
    العَدل هَيَاخُد مَجراه

    لو حَقِّنا مَهضُوم أو ضاع
    صَلَّح مِن تانى الأوضاع
    بِدمُوع عيننا جينا تعيننا
    مالناش غيرَك نِترَجَّاه

    1-
    إشفى لنا قلوبنا المَكسُورَه
    عَزِّى أى نفُوس مَقهُورَه
    صَبَّرنا على إللى جَرى لنا
    فى نَجع حَمَّادى وبَهجُورَه


    أطفال لابسين لِبس جديد
    راحوا يصلُّوا فـ ليلة العيد
    مِن غير ذَنب إتقَتلوا يا عالَم
    دَه يرضى مين وبإيه هَيفيد




    2-
    وآدى أُم وحاضنه الصَّندُوق
    بتقول لإبنها مالَك فُوق
    جَهزت لك الأكل بإيدى
    قُوم وإرجَع وَيَّايا ودُوق

    لِبسَك مالُه الدَّم مَلاه
    دَه أنا لِسَّه حالاً كَوياه
    مالك ساكِت وما بِترُدِّش
    صَعبانَه علىَّ يا وِلداه

    3-
    دول سِتَّه غير الإصابات
    قُولوا كفايه للعِصابات
    أنا مِن حَقِّى أعيش بكرامتى
    ويعيش فى سَلام الأقباط

    سَلِّمنا أمرِنا فى إيديك
    والظَّالِم سايبينُه عَليك
    إحنا سامِحنا إللى ظَلمنا
    إتصَرَّف زَى ما يرضيك


    4-
    مش هَنقابِل نار بالنَّار
    ولا عايزين ناخُد بالتَّار
    عايزينك تيجى تعَزِّينا
    وِتشيل مِنَّا أى مَرار

    مابِتنعَسِّى ولا بِتنام
    وكلامَك مش بَس كلام
    قُلت مُبارك شَعبى فـ مَصر
    إبعَت تانى لمَصر سلام

    كلمات الشَّاعر رمزى بشاره
    ألحان وتوزيع وإخراج الفنان حاتم منير

      الوقت/التاريخ الآن هو الإثنين 20 نوفمبر 2017 - 2:55