منتديات دموع البابا

بسم الاب وبن والروح القدس اله واحد امين

اهلا بيكم اخواتى فى منتداكم دموع البابا

افلام مسيحية/ترانيم/كليباتى/برامج/صور مسيحية متنوعة/واخرى


    يعني ايه بابا

    شاطر
    avatar
    نور القمر
    عضوء جديد
    عضوء جديد

    اختر مزاجك اختر مزاجك :
    تاريخ التسجيل : 19/04/2010
    عدد المساهمات : 16
    تاريخ الميلاد05/02/1992
    26

    يعني ايه بابا

    مُساهمة من طرف نور القمر في الخميس 20 ديسمبر 2012 - 23:58


    يعني ايه بابا
    ----------------

    • يعني تفتكر وانت صغير اما كنت تنام علي الكنبه و...يجي باليل يشيلك يوديك أوضتك

    ... • يعني يدخل عليك باليل وانت نايم عشان يطمن اذا كنت متغطي كويس ولا يغطيك

    • يعني تصح باليل وتبقي مكسل تقوم من مكانك .. فتنادي عليه وتقوله بابا عايز أشرب

    • يعني تقوله عايز اطلع رحله مع أصحابي .. يقولك مينفعش .. تقوم تزعل .. يجي وراك بعدها بشويه ويبوس راسك ويقولك خلاص ولا تزعل

    • يعني اما تخرج معاه .. تمشي معاه متعلق في ايده زي ما كنت بتمشي وانت صغيره

    • يعني تفتكر اما كنت صغنتوت لسه وكان شايلك علي كتفه .. والدنيا عماله تمطر عليكم

    • يعني تبقي قاعد في البرد رجلك متجله وتيجي تقعد جنبه وتحط رجلك علي رجله عشان يدفيهالك .. وهو يهزر ويقولك امك ثم امك ..يلا روح عند ماما

    • يعني أما يبقي عندك فار في البيت تتلموا كلكم في أوضه .. وتسيبوه هو لوحده مع الفار لحد ما يموته

    • يعني أما تبقي عريس تلاقيه قاعد بيتكلم عنك وفخور بيك ويحسسك ان مفيش حد في الدنيا عنده ابن زيك


    • يعني أما تزعله وتشد معاه في الكلام .. وتروح بعدها تقوله بابا أنا اسف .. يقولك حبيبي أنا عمري ما ازعل منك

    • يعني يوم جوازك .. تشوفه في وسط فرحته بيكي دموع مقدرش يمنعها عشان خلاص مش هتبقي معاهم في البيت

    • يعني يوم اما يعرف أن مراتك حامل وانك هتجيب نونو يبقي فرحان أكتر منك ذات نفسك

    • يعني ساعة ولادته تلاقيه واقف بره هيتجنن وعمال يدعي ويصلي ربنا يقوم مراتك بالسلامه

    • يعني يبقي فرحان بابنك أو ببنتك وسايب اللي وراه ورايح جاي يلعب معاه

    • يعني الحنان والحب والامان

    • يعني ربنا يخليهم لينا ويحفظهم ويقدرنا علي رضاهم
























      الوقت/التاريخ الآن هو الإثنين 17 ديسمبر 2018 - 21:24