منتديات دموع البابا

بسم الاب وبن والروح القدس اله واحد امين

اهلا بيكم اخواتى فى منتداكم دموع البابا

افلام مسيحية/ترانيم/كليباتى/برامج/صور مسيحية متنوعة/واخرى


    احاسيس من داخل قلبك فقط

    شاطر
    avatar
    سحر بنت العدرا
    المشرف العام
    المشرف العام

    اختر مزاجك اختر مزاجك :
    تاريخ التسجيل : 19/04/2010
    عدد المساهمات : 29
    تاريخ الميلاد05/02/1988
    30

    احاسيس من داخل قلبك فقط

    مُساهمة من طرف سحر بنت العدرا في الثلاثاء 20 أبريل 2010 - 12:46

    احاسيس من داخل قلبك فقط
    عارفين الشعور ده
    عارفين لما تفتكر حاجه كده
    تحس انها بتشدك لذكريات
    انت مش عارف ايه الذكريات دى
    بتشدك لحاجه كده
    بحاجه انت مش عارفهاا
    و ممكن تدخلك فى شعور كده غريب
    حزن مع الم مع فرحه
    الشعور ده
    عارفينه
    عارف لما تسمع اغنيه كده
    تلاقى نفسك بتبتسم من غير سبب
    بس جواك حزين اوووى
    و تلاقى شعور بدأ يدخل جواك
    انت مش فاهمه
    و تحاول تفهم ايه ده
    وفى الاخر متفهمش
    طيب عارف
    لما تروح تقف على البحر كده
    وتاخد نفس عمييييق
    بعديها تلاقى نفسك بتبتسم
    بس جواك حاجه مش قادره تخرج
    حاجه يمكن بتقطعك من جوه
    و مش عارف تتخلص منها

    طيب عارفين
    لما تبقى لسه صاحى من النوم
    اليوم لسه مبداش اهو
    وتلاقى نفسك على السرير لسه
    و غصب عنك تنزل دمعه
    ممكن تفضل ساعتين تعيط على المخده
    المخده اللى تعبت مننا كل يوم
    كل يوم يتحس بينا
    قبل ما ننام
    و تقوم من على السرير
    و محدش يعرف حاجه
    عارفين الشعور ده

    عارفين لما تكونوا اصحاب متجمعين فى يوم كده
    و كلكوا مهيسين و بتضحكوا
    و اللى يشوفكوا من بعيد لبعيد
    يقول الناس دى رايقه
    وحياتها تمام اوى
    و انتوا اصلا بتضحكوا بدل ما تعيطوا
    و محدش حاسس بحاجه
    و محدش فاهم حاجه
    لا و ايه
    محدش هيقدر
    اصلا
    انه لا يفهم
    ولا يحس اللى جواكوا

    طيب عارفين
    لما تحس انك عايز مساعده من اى حد
    اى انسان
    اى مخلوق
    حاسس انت بتغرق
    بتغرق فى ايه مش عارف
    بس انت محتاج مساعده
    محتاج حد ينجدك
    مش عارف هتطلبها من مين
    و حتى لو طلبت مساعده
    هتتقوله ايه
    عايزك تساعدنى و خلاص
    هيرد و يقولك اساعدك فى ايه
    تقوله حاسس انى بغرق
    الحقنى

    هيقولك بتغرق فى ايه
    ما انت واقف قدامى اهو
    انت محتاج مساعده
    بس مساعده فى ايه انت مش عارف

    و تفضل تغرق و مش لاقى مساعدة
    طيب عارفين
    لما تكون عايز تسمع كلمه معينه مش شخص معين
    كلمه ممكن تكون كلمه من حرفين بس
    مش صعب عليه يقولها
    وتلاقيه ولا بيتكلم
    تحس انه تمثال
    ما تتكلم بقى
    طيب ما هو انا شايفاك بتقولها مليون مره
    شايفها فى عينيك
    حاسسها اوى
    عايز تسمعها بقى
    قوووووول
    و لما يتكلم
    تحس انه بيشفق عليك
    !!!...بتشفق على
    طيب لما انت كده
    بتحسسنى بيها ليه من الاول اصلا
    بتعيشنى فى الشعور ده
    ليه من الاول..و لو للحظات
    لما ده مش حقيقه
    طيب عارف
    لما تبقى عايز تسمع صوت حد معين اووى
    واحشك اوى
    عايز تسمع صوته
    تطمن عليه
    و تفضل مستنى
    و مستنى..... ومستنى
    و فى الاخر ميتصلش
    لا و بعدين يتصل حد تانى

    تقول اخيرا اهو
    و ترد بلهفة
    و تسمع صوت حد تانى
    مش ده اللى كنت مستنيه

    و الشعور اللى بتحسه دة كلو مش بيتوصف بكلمات اصلا
    بيبقى عميق اوووى
    بيبقى جاى من جواك
    و مش عارف اصلا هو اتولد ازاى جواك
    avatar
    عماد سعد
    عضوء جديد
    عضوء جديد

    اختر مزاجك اختر مزاجك :
    تاريخ التسجيل : 05/07/2010
    عدد المساهمات : 18
    تاريخ الميلاد21/11/1982
    35

    رد: احاسيس من داخل قلبك فقط

    مُساهمة من طرف عماد سعد في الإثنين 12 يوليو 2010 - 0:26

    ممكن اقول حاجة بس روعة جداجدااااااااااااااااااااااااااااااااااااااااااااااااااااااااااااااااا

      الوقت/التاريخ الآن هو الأربعاء 19 سبتمبر 2018 - 11:46